Лепель. Касцёл Святога Казіміра.

Невялікі горад Лепель - раённы цэнтр на беразе вялікага прыгожага возера. Недалёка ад возера знаходзіцца парк і каталіцкі касцёл.

Касцёл Святога Казіміра пабудаваны ў 19 стагоддзі ў стылі класіцызму.

Першы касцёл у Лепелі быў пабудаваны ў пачатку 17-га стагоддзя і ўжо ў 1604 годзе касцёл быў асвечаны ў гонар Святога Казіміра. На працягу двух стагоддзяў здарылася некалькі пажараў і храм прыйшоў у заняпад. У 1876 годзе на грошы калежскага асэсара Мальчэўскага быў пабудаваны новы мураваны касцёл.

У савецкія гады храм закрылі, а святара арыштавалі. Будынак прыстасавалі пад гараж. Пасля распаду савецкай дзяржавы каталіцкая святыня была вернута вернікам. Быў праведзены рамонт, і ў 1995 годзе касцёл быў асвечаны.

Касцёл уяўляе сабой трохнефны храм з двухвежавым фасадам. Да закрыцця храма ў інтэр'еры выдзяляліся роспісы на сценах, у перыяд закрыцця яны былі страчаны, пасля вяртання храма вернікам не аднаўляліся. Страчаны былі і старажытныя іконы “Узвіжанне Святога Крыжа” і “Св. Казімір», а таксама старажытныя алтары. Унутраныя алтары былі выкананы ў стылі барока. У галоўным алтары былі скульптуры святых Пятра і Паўла і дэкаратыўныя вазы.

Тэрыторыя каля царквы за апошнія гады добраўпарадкавана, высаджаны кветнікі. Перад касцёлам устаноўлена скульптурная выява Папы Яна II. Касцёл дзейны.