Івянец. Парэшткi сядзібы Плявака.

Мястэчка Івянец вядомае з 14 стагоддзя. Спачатку было ўласнасцю Вялікага князя Літоўскага Вітаўта, потым належыла ўнуку князя Альгерда, а ў 16 – 18 стагоддзях Салагубам.

 З 1808 года гаспадарамі тут быў род Плявака, якія пабудавалі сядзібу на беразе ракі Волма. Сядзіба пабудавана на высокай тэрасе і складалася з некалькіх будынкаў і парка: невялікі сядзібны гаспадарскі дом, капліца, піларама і гаспадарчыя будынкі. Сядзібны дом быў размешчаны ў глыбіні парку. Будынак быў аднапавярховы з чырвонай цэглы на высокім цокальным падмурку з бутавага камяня. Было дзве веранды. У цэнтры, з боку галоўнага фасада, засцеклёная веранда з двустворчатай дзвер'ю. Адзін з фасадаў будынка выходзіў да ракі. На тарцэ дома была вітая лесвіца, якая вяла на мансарду. Каля сядзібы быў невялікі парк 70 на 70 метраў.  Будынак гаспадарскі быў моцна пашкоджаны ў 20 стагоддзі і зараз ад яго засталіся толькі руіны. Пару гаспадарчых будынкаў – гэта амбар і стайня адрэстаўраваныя ў апошнія гады і зараз гэта працуе, як філіял мясцовага музея пад назвай «Іаянецкі музей традыцыйнай культуры».