Івянец. Івянецкі музей традыцыйнай культуры

У цэнтры невялікага горада Івянец знаходзіцца «Івянецкі музей традыцыйнай культуры». Музей размяшчаецца ў двухпавярховым мураваным будынку, які ўзведзены ў 1930 – х гадах у часы Польскай дзяржавы.….

Музей адчынены ў 1957 годзе і лічыўся мемарыяльным музеем Фелікса Дзяржынскага, які нарадзіўся недалёка ад Івянца. З  пачатку 1990 – х гадоў супрацоўнікі музея вядуць працу па збору і даследванню прадметаў народнага побыту і мастацтва. З 2006 года музей стаў называцца «Івянецкі музей традыцыйнай культуры». На сённяшні дзень музейны фонд налічвае каля 20 тысяч музейных прадметаў. Экспазіцыя ўстуновы мае 4 зала.

«Гісторыка – этнаграфічны» раздзел, дзе распавядаецца пра культуру і быт жыхароў Івянца і яго ваколіц. Гэта рэдкія фатаздымкі, кнігі і дакументы. Сабрана цікавая інфармацыя пра графа Тышкевіча, род Дзяржынскіх, пра мясцовых пісьменнікаў і настаўнікаў.

 Раздзел «Кераміка. Традыцыі і сучаснасць». У гэтым асобным раздзеле распавядаецца пра асаблівасці керамічнай вытворчасці ў Івянцы, якая бярэ свой пачатак з 16 стагоддзя. У 19 – пачатку 20 стагоддзя Івянец лічылі сталіцай ганчарства гэтага рэгіёна і дагэтуль у горадзе працуе керамічнае прадпрыемства.

Асобная экспазіцыя прысвечана народнаму майстру, разьбяру па дрэву, Апалінарыю Фларыянавічу Пупко (1893 – 1948), які паходзіць з вядомага роду Пупко, які вядомы сваімі патомственымі ганчарамі, разьбярамі і майстрамі мулярамі.

Пры музеі з 1998 года працуе Цэнтр рамёстваў, дзе працуюць майстэрні «Ткацтва», «Кузня», «Ганчарства». У майстэрнях добрыя майстры, якія навучаюць свайму рамяству ўсіх жадаючых і пры неабходнасці праводзяць майстар – клас.