Гродна. Дом рамесніка.

У горадзе Гродна на вуліцы Элаізы Ажэшка ёсць невялікі дом рамесніка, які пабудавалі ў часы Вялікага Княства Літоўскага ў 18 стагоддзі. Узведзены будынак недзе ў 1765 годзе разам з дваццацю падобнымі дамамі, якія называлі «басняцкія дамы» па тыпавому праекту.

 Гэты праект распрацаваў архітэктар нямецкага паходжання Іаган Мёзер ў новым гарадскім квартале на ўскрайку Гродна. Гэты новы квартал назвалі Гарадніца. У 18 стагоддзі гэта лічылася на ўскрайку горада, а зараз гэта самы цэнтар. Будынкі рамеснікаў былі ўзведзены на галоўнай вуліцы Гарадніцы, якая тады называлася вуліца Раскоша. Потым з цягам часу назва вуліцы мянялася: Садовая, Басняцкая, Мураў'ёўская, а зараз названа ў гонар беларускай і польскай пісьменніцы Элаізы Ажэшка. Назва першапачатковая вуліцы Раскоша была запазычана ад назвы адной з карчмы ў Гродна.

Дамы рамеснікаў былі пабудаваны па бакам вуліцы Раскоша і прызначаліся для пражывання майстроў і рамеснікаў, якіх запрасіў з Еўропы на працу на каралеўскіх мануфактурах ў Гродна стараста горада Антоній Тызенгаўз.

 Дом рамесніка – аднапавярховы невялікі дом з мансардай. Адзіная цагляная сцяна ў будынку – гэта фасад з франтонам, які мае фігурную форму. Бакавыя сцены і задняя – драўляныя. У 1990 годзе помнік быў адрэстаўраваны па праекту архітэктара У. Барсукова.

Зараз у будынку працуе Дом рамёстваў, які з'яўляецца філіялам Музея гісторыі Гарадніцы.