Галоўчыцы. Царква Узвышэння Святога крыжа.

У Драгічынскім раёне паміж Кобрынам і Драгічынам ёсць мястэчка Галоўчыцы. У мястэчку пабудавана драўляная праваслаўная царква, якая пачынае сваю гісторыю з часоў Вялікага Княства Літоўскага.

 Першая царква была пабудавана каля 1766 года па фундацыі гаспадара мястэчка памешчыкам Кутнікавым, а таксама за грошы прыхаджан. Па некаторым звесткам, дагэтуль тут быў больш старажытны храм. У часы Расійскай імперыі ў 1875 годзе будынак адрамантавалі і быў зроблены новы іканастас і новая падлога. У самым пачатку 20 стагоддзя ў мястэчку Павіць Кобрынскага уезда была разабрана старая царква і будаўнічы матэрыял прывезлі ў Галоўчыцы для рамонту царквы.

У часы Вялікай Айчыннай вайны ў 1942 годзе здарыўся моцны пажар на свята Вялікай Пятніцы Страсной седміцы. З царквы паспелі вынесці харугві і яшчэ некаторыя храмавыя рэчы.

 Першы час службы праходзілі на пажарышчы і людзі хадзілі ў суседнюю вёску. Затым, па дазволу нямецкіх уладаў, была адбудавана новая царква. І на свята Пасхі ў 1943 годзе служба пачалося ў новым храме. Пасля вайны ў савецкія часы храм зачынілі і тут быў уладкаваны склад. Затым тут працаваў вясковы клуб.

 Напрыканцы існавання Савецкага Саюза ў 1989 годзе храм вярнулі вернікам. Быў праведзены рамонт.