Дабраслаўка. Царква Святой Троіцы

Сярод Палескіх лясоў і балот на шляху з Лагішына на Ганцавічы знаходзіца ў Пінскім раёне старажытнае мястэчка Дабраслаўка. Да раёнага цэнтра прыкладна 40 кіламетраў.

 У часы Вялікага Княства Літоўскага мястэчка належыла вядомаму княжаскаму роду Друцкіх – Любецкіх. У 19 стагоддзі Дабраслаўка была цэнтрам воласці ў Пінскім уездзе Мінскай губерніі. Пасля Рыжскага міра мястэчка ў складзе Польскай дзяржавы і тут быў цэнтр гміны. Мясцовы маёнтак належыў Хамянтоўскай Веры і яе сынам Дзмітрыю і Аляксею.

У 1758 годзе за сродкі князя Друцкага – Любецкага ў мястэчку была пабудавана драўляная ўніяцкая царква Святой Троіцы. У часы Першай сусветнай вайны ў гэтым рэгіёне праходзіў фронт і адбываліся моцныя баі.

У верасні 1915 годзе ў Траецкай царкве адбылося адпеванне сястры міласэрнасці Рымы Івановай, якая загінула ў баю. Рыма Міхайлаўна Іванова (1894 – 1915) – сястра міласэрнасці, адзіная ў Расійскай імперыі жанчына, якая была ўзнагароджана ордэнам Святога Георгія чацвёртай ступені. 9 верасня 1915 года Р. Іванова ў час бою з кайзераўскімі войскамі падняла ў атаку роту салдат, пасля таго, як загінулі ўсе афіцэры роты. У гэтым баю Р. Іванова атрымала смяротнае раненне. Р. Івановай было толькі 21 год.

 Царква складаецца з трох асноўных частак: прытвор, малітоўная зала і шматгранная апсіда. Над прытворам надбудавана двухярусная вежа – званіца. У савецкія часы ў час этнаграфічнай экспедыцыі навукоўцамі з інтэр'ера царквы была вывезена царская брама 17 стагоддзя, якая зараз захоўваецца ў Мінску ў Музеі старажытнабеларускай культуры.