Ваўкавыскі край (1 маршрут): Ваўкавыск-Гнезна-Мсцібава-Хацькоўцы Новыя-Ізабелін-Краскі.

Адправімся ў займальнае падарожжа па Ваўкавыскім раёне, дзе адкрыем для сябе яго багаты гістарычны здабытак. 

Нас чакае знаёмства з ацалелымі старадаўнімі сядзібамі, а таксама з гістарычнымі і культурнымі помнікамі раёна, сярод якіх асаблівае месца займаюць старадаўнія праваслаўныя храмы. 

Наведаем Ваўкавыск - адзін з самых старажытных гарадоў Беларусі, які ўваходзіць у пяцёрку найстарэйшых. У 2025 годзе гораду споўніцца 1020 гадоў! Вывучым асноўныя славутасці горада і забярэмся на Шведскую гару, каб убачыць панараму гістарычнага цэнтра.

Далей адправімся ў аграгарадок Гнезна, дзе наведаем старадаўні і ўнікальны Касцёл Святога Міхаіла, узрост якога сёння складае 500 гадоў, а таксама выдатна захаваную сядзібу Тарасовічаў 2-ой паловы 19-га стагоддзя.

Прагуляемся па замкавай гары ў Мсцібаве. Гэта помнік сярэднявечча 12-18 стагоддзяў!

Гэтыя і іншыя месцы маршруту пакінуць незабыўныя ўражанні, дазволіўшы адчуць унікальную атмасферу гэтага рэгіёну.