Вуліцы старога Слоніма: аглядная экскурсія па горадзе.

Слонім - адзін з самых старажытных і цікавых гарадоў Беларусі, які прыцягвае сваёй багатай гісторыяй і славутасцямі. Гэты горад, заснаваны больш за тысячу гадоў таму, стаў сведкам мноства гістарычных падзей і захоўвае ў сабе дух мінулых стагоддзяў. У ім захавалася даволі шмат старадаўніх культавых пабудоў.

Пачнем сваё падарожжа з Альбярціна - былога прадмесця, дзе паглядзім захаваную сядзібу Пуслоўскіх - помнік сядзібна-паркавай архітэктуры, пабудаваны ў першай палове 19-га стагоддзя.

Шпацыруючы па Слоніме, нацешымся архітэктурай дамоў мінулых стагоддзяў і вузкімі звілістымі вулачкамі, якія захавалі сваё арыгінальнае аблічча, у адрозненне ад класічных савецкіх праспектаў. Ўбачым адзіны архітэктурны ансамбль у стылі мадэрн, пабудаваны ў 1920-я гады, які складаецца з воданапорнай вежы і будынка чыгуначнага вакзала.

У цэнтры горада даследуем мноства гістарычных храмаў, кожны з якіх унікальны.

Касцёл Святога Андрэя - яскравы прыклад барочнай архітэктуры, які спалучае ў сабе прыгажосць і абарончыя функцыі.

Спаса-Праабражэнскі сабор, заснаваны на архітэктурных традыцыях касцёла латэранскіх канонікаў, які стаяў на гэтым месцы да яго разбурэння.

Касцёл Беззаганнага Зачацця Найсвяцейшай Панны Марыі XVII стагоддзя цікавы тым, што ў ім знаходзіцца 5 алтароў.

Не менш адметны Свята-Траецкі сабор, вакол якога ідуць спрэчкі з-за змененага цыбульнага Купала.

Таксама ўбачым старажытную сінагогу - адзіную ў краіне з захаваным унутраным дэкорам. На жаль, зараз патрапіць унутр немагчыма.

Таксама вывучым такія славутасці горада як мячэць, ратушу, капліцу Святога Дамініка.

Слонім - гэта не толькі гістарычныя помнікі, але і атмасфера, напоўненая духам часу. Горад прапануе унікальныя магчымасці для падарожнікаў, якія жадаюць даведацца больш аб яго багатай спадчыне і культуры.