Знаёмства з унікальнай спадчынай Віцебскага краю: Шаркаўшчына-Германавічы-Лужкі.

Шаркаўшчына, Лужкі, Германавічы — тры кропкі на карце Віцебшчыны, якія захоўваюць унікальную спадчыну.

Маршрут пачынаецца ў Шаркаўшчыне, дзе вас чакаюць два кантрасныя храмы: цагляная царква іконы «Усіх тужлівых Радасць» і ўнікальная драўляная Успенская царква, якая ніколі не зачынялася.

У аграгарадку Лужкі вас сустрэне жамчужына "віленскага" барока - Касцёл Святога Міхаіла Архангела. Побач-уражлівы вадзяны млын XIX стагоддзя, руіны сінагогі і дзеючая царква Раства Багародзіцы са старажытнымі абразамі.

У Германавічах вас зачаруе касцёл Праабражэння Гасподняга, а ў музеі культуры і побыту ў будынку сядзібы XVIII стагоддзя вы акунецеся ў гісторыю краю.

Гэта падарожжа для тых, хто шануе сапраўднасць.