Па сядзібах Ляхавіцкага краю: Сваяцічы-Флер'янава-Нача-Грушаўка-Савейкі-Рэпіхава.

Адпраўляемся ў займальнае турнэ па Ляхавіцкім раёне, дзе мы адкрыем для сябе яго багаты гістарычны здабытак. Нас чакае знаёмства з ацалелымі старадаўнімі сядзібамі, прадстаўленымі сёння ў рознай ступені захаванасці, а таксама павольныя прагулкі па чароўным парках, якія захоўваюць маўклівыя сведчанні пра лёсы іх знакамітых і шляхетных гаспадароў… 

У пасёлку Сваяцічы захапімся тым, што засталося ад маёнтка роду Чапскіх. Да сённяшняга дня дайшоў парк, некаторыя гаспадарчыя пабудовы і сажалка з касцёлам.

Наведаем старадаўнюю сядзібу сямейства Бохвiцаў ў Флер'янава і ацэнім унікальную архітэктуру маёнтка: да самавітага драўлянага будынка прымыкае хупавы неагатычны фасад з чырвонай цэглы.

У паселішчы Нача ацалеў класічны дом Чарнацкіх, некалькі гаспадарчых збудаванняў і былы сядзібны парк.

У вёсцы Грушаўка захавалася багатая спадчына сям'і Рэйтанаў. Пасля нядаўніх рэстаўрацыйных работ сядзіба змянілася практычна да непазнавальнасці. Не менш дзіўнае месца ў Грушаўцы - неагатычная грабніца роду Рэйтанаў, якая размешчана прыблізна за кіламетр ад маёнтка.

У Савейках агледзім сядзібу Навіцкіх. Архітэктура сядзібнага будынка аб'ядноўвае ў сабе элементы класіцызму і неабарока. Зараз тут можна ўбачыць добра захаваны сядзібны дом, які ў XX стагоддзі некалькі разоў перарабляўся, шэраг гаспадарчых будынкаў і прыгожы парк з вадаёмамі.

Недалёка ад мястэчка Крывошын размяшчалася сядзіба "Рэпіхава" графа Патоцкага. Да нашых дзён дайшоў парк, склеп і сажалкі...

Дакранемся да гісторыі і здзівімся маштабах былой велічы!