Па ходзе нашай экскурсіі вы наведаеце адразу 10 культавых збудаванняў: дзевяць цэркваў і адзін касцёл, якія адлюстроўваюць рэлігійныя і культурныя традыцыі мясцовых жыхароў.Таксама зможаце даведацца пра знакамітых асоб, якія раней жылі ў гэтых краях. PS: тутэйшыя месцы багатыя на славутасці і змясціць іх у праграму аднаго дня не ўяўляецца магчымым, таму яны падзеленыя на некалькі экскурсій, якія даступныя на гэтым сайце.

Каменная праваслаўная царква, якую асвяцілі ў гонар Святога Мікалая, узведзена ў 1811 годзе ў стылі класіцызму.

Засімавічы. Царква Святога Мікалая

Менавіта тут прайшло дзяцінства і юнацтва вядомага беларускага, польскага і расійскага мастака Станіслава Юльянавіча Жукоўскага (1875-1944).
Радавая сядзіба Жукоўскіх не захавалася да нашага часу, і цяпер там знаходзіцца звычайная сялянская хата. 
Але мастак у канцы 19-га стагоддзя напісаў карціну з выявай свайго маёнтка.

Стараволя. Радзіма мастака  Станіслава Жукоўскага.

Стараволя. Радзіма мастака  Станіслава Жукоўскага

Невялікая драўляная праваслаўная царква пабудавана на мясцовых могілках у 18-19 стагоддзі ў традыцыях беларускага драўлянага народнага дойлідства.

Ялава. Царква Святой Ганны

Каменны каталіцкі храм пабудавалі ў 1848 годзе ў стылі класіцызму. 
Фасад касцёла ўпрыгожаны дзвюма скульптурамі апосталаў. 
У інтэр'еры захаваўся арган 1875 года. 
Алтар аздоблены карынфскай каланадай з 2 фігурамі святых, таксама ёсць абраз 19-га стагоддзя "Укрыжаванне".

Шарашова. Касцёл Святой Троіцы

Каменная праваслаўная царква ўзведзена ў 1873 годзе ў рэтраспектыўна–рускім стылі.
У інтэр'еры маюцца хоры на двух калонах і драўляны іканастас, а таксама абразы 18-19 стагоддзяў.

Шарашова. Царква Святога Мікалая

Драўляная званіца, якую пабудавалі ў 1799 годзе ў стылі класіцызму, мае вышыню 18 метраў, а яе дах пакрыта дранкай.
Калісьці побач са званіцай была драўляная царква, якую пабудавалі яшчэ ў часы Вялікага Княства Літоўскага ў 1517 годзе.
У царкве ў тыя часы выкарыстоўвалася для службы рукапіснае Евангелле 15-16 стагоддзяў. 
Гэтая каштоўная кніга зараз разам са старажытнымі абразамі і іканастасам 18-га стагоддзя знаходзіцца ў Мінску ў Нацыянальным мастацкім музеі.

Шарашова.  Царква Раства Багародзіцы. Званіца

Невялікая драўляная царква ўзведзена ў 1760 годзе ў стылі класіцызму ў традыцыях беларускага народнага драўлянага дойлідства.
Побач з царквой пахаваны навуковец і грамадскі дзеяч, прафесар Віленскага ўніверсітэта Міхаіл Баброўскі (1784-1848).

Шарашова. Царква апосталаў Пятра і Паўла

Мураваная царква пабудавана ў 1903 годзе ў псеўдарускім стылі.
У інтэр'еры ёсць драўляны іканастас і маецца абраз 19-га стагоддзя.

Сухаполь. Царква Узвышэння Святога Крыжа.

Сухаполь. Царква Узвышэння Святога Крыжа

Мураваная праваслаўная царква пабудавана ў 1873 годзе ў рэтраспектыўна-рускім стылі.

Мокрае. Царква апосталаў Пятра і Паўла.

Мокрае. Царква апосталаў Пятра і Паўла

Мураваная праваслаўная царква пабудавана ў 1872 годзе на месцы старой драўлянай царквы ў рэтраспектыўна-рускім стылі з элементамі барока.
За ўсю сваю гісторыю Пакроўская царква ніколі не зачынялася.

Руднікі. Пакроўская царква

Каменная праваслаўная царква таксама пабудавана ў 1872 годзе на месцы старой драўлянай царквы ў рэтраспектыўна-рускім стылі.

Пружанскі край (2 маршрут): Засімавічы-Стараволя-Ялава-Шарашова-Сухаполь-Мокрае-Руднікі-Смаляніца.

Апісанне

Падрабязнасці паездкі