Па слядах роду Гутэн-Чапскіх: Прылукі-Воўкавічы-Станькава-Узда-Першамайск.

Экскурсія "Па слядах роду Гутэн-Чапскіх" пагрузіць нас у гісторыю беларускага краю праз прызму жыцця і дзейнасці аднаго з самых вядомых дваранскіх родаў. Гэты маршрут ахоплівае некалькі цікавых, кожнае з якіх захоўвае свае Гістарычныя таямніцы і легенды.

Пачнем нашу экскурсію з наведвання палацава-паркавага комплексу ў Прылуках, апошнімі ўладальнікамі якога быў граф Гутэн-Чапскі і яго сям'я.

Далей наведаем у Воўкавічах магілу, дзе пахаваная Юзэфіна Чапская, якая была гаспадыняй сядзібы ў Прылуках, а таксама разам са сваім мужам стала заснавальнікам прыгожага Прылуцкага заказніка.

Далей адправімся ў Станькава. Гэты маёнтак стаў уласнасцю графскага роду ў другой палове 19-га стагоддзя. Тут жа пабачым царкву Святога Мікалая, будаўніцтва якой пачаў граф Эмерык фон Гутэн-Чапскі. Не праедзем міма ваенна-гістарычнага комплексу «Старая мяжа».

Узда - гэта наступны этап нашага падарожжа. Тут убачым старадаўнія помнікі архітэктуры з багатым мінулым. Гэта Крыжаўзвіжанскі касцёл з гістарычна няпростым лёсам, а таксама царква Пятра і Паўла. Таксама ўбачым дзесяціметровую капліцу-пахавальню роду Завішаў у форме егіпецкай піраміды, а звязаныя з ёй легенды нікога не пакінуць абыякавымі.

Завершым нашу экскурсію ў Першамайску, дзе наведаем сядзібна-паркавы комплекс магнатаў Завішаў 19-га стагоддзя і кальвінскі збор 16-га стагоддзя на тэрыторыі парку, перабудаваны ў каталіцкую капліцу-пахавальню. Вельмі атмасфернае месца!

Экскурсія "Па слядах роду Гутэн-Чапскіх" — гэта не толькі магчымасць даведацца больш пра беларускую гісторыю, але і шанец атрымаць асалоду ад прыгажосці прыроды і архітэктурных помнікаў рэгіёна. Тут вы зможаце адчуць сувязь з гісторыяй, якая ажывае на вашых вачах.