Пінск. Духоўнасць, гісторыя, архітэктура.

Экскурсія па Пінску пачынаецца ля велічнага Свята‑Феадараўскага сабора, дзе руска-візантыйскія купала задаюць настрой усёй прагулцы. Побач размешчаны барочны касцёл Святога Бенедыкта, які перажыў стагоддзі, запусценне і аднаўленне — сёння гэта жывы культурны цэнтр.

Далей маршрут пераносіць нас да фантазійнага дому‑карабля «Мара», які нібы прычаліў сярод звычайных дамоў. Затым - да сціплага дома, дзе нарадзіўся Рышард Капусцінскі, будучы класік сусветнага рэпартажу. Гэта месца захоўвае атмасферу даваеннага Пінска і памяць аб яго няпростым дзяцінстве.

Наступны пункт - Свята-Варварынскі сабор, былы касцёл бернардзінцаў, які доўгія гады заставаўся адзіным дзеючым праваслаўным храмам горада. Крыху далей - хупавы Касцёл Святога Карла Барамеа, цяпер вядомы і як арганная зала.

Працягваючы шлях, мы бачым мадэрновы будынак былога Крэдытнага банка, а затым — строгі корпус старой гімназіі, дзе вучыліся будучыя Нобелеўскія лаўрэаты і прэзідэнты. Побач стаіць Дом Орды, які захаваў атмасферу старога Пінска.

Далей маршрут выводзіць да параднага палаца Бутрымовіча, першай каменнай грамадзянскай пабудове горада. Непадалёк усталяваны помнік Веры Харужай, які нагадвае пра подзвіг падпольшчыцы. Побач - утульны Палескі драмтэатр, спадчыннік старога кінатэатра.

Наступны пункт - велічны Касцёл Унебаўзяцця Дзевы Марыі з разнымі алтарамі і знакамітай «Пінскай Мадоннай». Затым гасцей сустракае бронзавы Пінчук, сімвал мясцовага характару і абавязковы пункт для фота.

Далей - мадэрновая гасцініца "Ангельская", дзе калісьці спыняліся вядомыя вандроўцы. Затым - магутны езуіцкі калегіум, цяпер Музей Палесся.

Завяршае маршрут царква Уваскрэсення Славушчага, якая перажыла ператварэнне ў кінатэатр, і строгі корпус запалкавай фабрыкі, які нагадвае аб прамысловым мінулым горада.