Па дарозе ў Слуцк: Возера-Хатляны-Узда-Грозава-Сунаі-Замосце-Покрашава.

Адпраўляемся ў займальнае падарожжа па старадаўняй дарозе, якая вядзе ў Слуцк - горад з багатай гісторыяй! Гэтая экскурсія - выдатная магчымасць убачыць маляўнічыя куткі Мінскай вобласці, пазнаёміцца з яе спадчынай і натхніцца прыгажосцю беларускай прыроды.

Пачнем наша падарожжа з маляўнічага мястэчка Возера, у якім ўбачым царкву Пятра і Паўла, будаўніцтва якой прафінансаваў граф Чапскі.

У вёсцы Хатляны пазнаёмімся з арыгінальным пяцікупальным храмам Пакрова Прасвятой Багародзіцы, які быў узведзены ў 19 стагоддзі на грошы роду Завішаў.

Наведаем старадаўні горад Узда, дзе захаваліся гістарычны будынак Крыжаўзвіжанскага касцёла, капліца-пахавальня роду Завішаў, царква Пятра і Паўла.

У Грозаве ацэнім будынак былой сядзібы Мержэеўскіх.

У Замосце нас чакае наведванне касцёла Святой Барбары - помніка архітэктуры, пабудаванага ў 17 стагоддзі, які спалучае ў сабе рысы рэнесансу і ранняга барока.

Завершым наша падарожжа ў Покрашава. Тут уразімся будынкам былога бровара ў стылі мадэрн, бо яму ўдалося захавацца ў тым жа архітэктурным выглядзе, што і 100 гадоў таму. Таксама наведаем у мястэчку музей прадметаў вясковай даўніны, які размяшчаецца ў адрэстаўраваным будынку былога ветрака. 

Не выпусціце магчымасць адправіцца ў займальнае падарожжа па дарозе ў Слуцк!