Аглядная экскурсія па старажытным Навагрудку - першай сталіцы Вялікага Княства Літоўскага.

На агляднай экскурсіі па Навагрудку можна адчуць шматвяковую гісторыю Беларусі: ад узнікнення адной з найбуйнейшых дзяржаў Еўропы - ВКЛ, знаходжання ў складзе Расійскай імперыі, Польшчы, СССР да сённяшняга дня ў суверэннай Беларусі. І кожны з перыядаў гісторыі пакінуў свой глыбокі след у абліччы горада.

Руіны сярэднявечнага замка, храмы розных канфесій (мячэць, цэрквы, касцёлы), знаёмства з мастацтвам (карцінная галерэя) і гісторыяй (краязнаўчы музей) і не толькі чакаюць вас!

Навагрудак непарыўна звязаны з сусветна вядомымі выбітнымі асобамі: Адамам Міцкевічам, Якубам Коласам, Міндоўгам і многімі іншымі.

Апранаем зручны абутак (будуць стромкія ўздымы і спускі) і адпраўляемся на знаёмства з незабыўным Навагрудкам!