Невялікі Мсціслаў з вялікай гісторыяй.

Мсціслаў - адзін з самых старажытных гарадоў Беларусі. Яго часта параўноўваюць з Суздалем або маленькай Вільняй. Гісторыя яго пачынаецца ў глыбокай старажытнасці на Дзявочай гары. Археалагічныя знаходкі паказваюць на існаванне паселішча тут ужо ў I стагоддзі да нашай эры, а ўмацаванае паселішча з'явілася прыкладна ў XII стагоддзі. Першае летапіснае згадванне пра горад датуецца 1156 годам і змяшчаецца ў Іпацьеўскім летапісе.

Сучасны Мсціслаў - гэта горад, які спалучае ў сабе сучаснасць, унікальныя гістарычныя помнікі і асаблівую атмасферу. Тут захаваліся старадаўнія будынкі, працягваюцца археалагічныя раскопкі, якія прыносяць новыя адкрыцці. Горад прапануе сваім гасцям прагуляцца па старадаўніх вулачках і пагрузіцца ў яго ўнікальную атмасферу.

Мсціслаў вядомы сваімі гістарычнымі месцамі. Адным з самых знакамітых з'яўляецца Замкавая гара, былы дзяцінец старажытнага горада, дзе размяшчаўся замак-крэпасць. Нягледзячы на тое, што арыгінальныя пабудовы не захаваліся, Замкавая гара стала папулярным турыстычным цэнтрам, дзе штогод праводзіцца рыцарскі фестываль.

Ёсць тут і прыродны помнік, якім з'яўляецца Кагальны калодзеж, які ахоўваецца дзяржавай як гідралагічны аб'ект.

У горадзе захаваліся гістарычныя будынкі XIX стагоддзя, такія як будынак земскай управы, павятовага вучылішча, мужчынскай гімназіі, казначэйства, Пажарная калонча, якія ствараюць атмасферу той эпохі. Мсціслаў таксама ўпрыгожваюць Статуі рыцараў і Пятра Мсціслаўца.

Мсціслаў вылучаецца мноствам храмаў, уключаючы сабор Аляксандра Неўскага, Касцёл Святога Міхаіла Архангела, кармеліцкі касцёл, царква Тупічэўскай іконы Маці Божай і Спаса-Праабражэнскую царкву, кожны з якіх мае сваю ўнікальную гісторыю і архітэктурную каштоўнасць.

Мсціслаўскі раённы гісторыка-археалагічны музей прадстаўляе сваім гасцям экспанаты, знойдзеныя падчас раскопак, прадметы побыту мінулых стагоддзяў.