Архітэктурныя багацці Беларускага Паазер'я: Лучай-Дунілавічы-Варапаева-Парыж-Мосар-Удзела.

Падчас экскурсіі "Архітэктурныя багацці Беларускага Паазер'я" пазнаёмімся з багатай культурнай спадчынай і архітэктурнымі помнікамі рэгіёна, які славіцца сваёй прыроднай прыгажосцю. У гэтым маршруце мы наведаем некалькі ключавых населеных пунктаў: Лучай, Дунілавічы, Варапаева, Парыж, Мосар і Удзела.

Пачнем нашу экскурсію з вёскі Лучай. Тут наведаем каменны барочна-класічны касцёл, палюбуемся яго дзівосным унутраным убраннем і прагуляемся па фантастычна прыгожай тэрыторыі вакол касцёла.

Наступным пунктам нашага падарожжа стануць Дунілавічы. Тут наведаем асноўную архітэктурную славутасць вёскі - Траецкі касцёл, а таксама старадаўнія яўрэйскія могілкі, дзе самыя старыя пахаванні адносяцца да 1770 года.

Далей трымаем шлях у Варапаева і едзем да Васкрасенскай царквы, пабудаванай у пачатку XX стагоддзя. Таксама побач з царквой убачым рэшткі парку і былой сядзібы памешчыкаў Пшаздзецкіх.

Наступны прыпынак - Парыж! Невялікая беларуская вёска, якая прыцягвае ўвагу сваёй назвай. Тут ўбачым копію вядомай славутасці французскага Парыжа - Эйфелеву вежу.

Наступны пункт нашага маршруту - Мосар. Тут наведаем касцёл і цудоўны культурна-дэндралагічны комплекс вёскі, які знаходзіцца пры касцёле.

Завершым нашу экскурсію ў вёсцы Удзела. Асноўнай славутасцю тут з'яўляецца манастыр францысканцаў, а цэнтральнае месца ў архітэктурным ансамблі манастыра займае Касцёл Беззаганнага Зачацця Дзевы Марыі. Іх мы і ўбачым.

Экскурсія "Архітэктурныя багацці Беларускага Паазер'я" — гэта не толькі магчымасць убачыць прыгожыя будынкі і прыродныя пейзажы, але і шанец пагрузіцца ў багатую гісторыю Беларусі. Кожнае з наведвальных месцаў пакіне незабыўныя ўражанні і дазволіць лепш зразумець унікальную атмасферу гэтага рэгіёну.