Лідскі раён: духоўная і культурная спадчына.

Адпраўляйцеся на экскурсію па Лідскім раёне і яго ваколіцах. Мы наведаем населеныя пункты: Збляны, Беліца, Нецеч, Тарнова, Белагруда і Ліда.

Экскурсія пачнецца з царквы Пакрова Прасвятой Багародзіцы ў Зблянах, выкананай у псеўда-візантыйскім стылі.

Далей мы адправімся ў Беліцу, дзе наведаем капліцу Маці Божай Ружанцовай. У алтары размешчаны абраз Маці Божай Ружанцовай з двума кампазіцыямі.

У вёсцы Няцеч мы ўбачым Касцёл Святога Міхаіла Архангела, пабудаваны ў класічным стылі з прамавугольнай планіроўкай. Галоўны фасад упрыгожаны чатырма калонамі і завершаны трохвугольным франтонам.

Таксама наведаем сядзібу Грабоўскіх-Маўрасаў - пабачым прыгожы двухпавярховы будынак з чатырохпавярховай вежай, выкананы ў неарэнесансным стылі.

У Белагрудзе нас чакае Касцёл Святога Міхаіла Арханёла - велічны храм у неагатычным стылi. Сцены касцёла ўпрыгожаны арнаментальным роспісам.

Далей мы адправімся ў Ліду, дзе ўбачым некалькі славутасцяў. Пачнем з гісторыка-мастацкага музея, у экспазіцыі якога прадстаўлены старадаўнія выданні, абразы, народныя касцюмы і археалагічныя артэфакты.

Затым нас чакае кафедральны сабор у гонар Архангела Міхаіла-храм-ратонда, увянчаны паўсферычным купалам, на якім размешчаны васьмігранны ліхтар.

Пасля гэтага мы наведаем касцёл Узвіжання Крыжа Гасподняга, дзе дагэтуль захоўваецца вобраз Маці Божай з немаўлём, прывезены ў горад місіянерамі-францысканцамі яшчэ ў XIV стагоддзі.

Завяршэннем экскурсіі стане наведванне Лідскага замка. У яго вежах размешчаны тэматычныя экспазіцыі, дзе прадстаўлены прадметы побыту, карціны, фатаграфіі розных эпох, зброя і рыцарскія даспехі.