Бярэзінскі і Крупскі раёны: Багушэвічы-Беразіно-Крупкі-Худаўцы-Халапенічы.

Нашу экскурсію адкрывае прыгожы неагатычны касцёл у Багушэвічах, пабудаваны ў 19 стагоддзі складзе сядзібна–паркавага ансамбля. У капліцы калісьці была крыпта з пахаваннямі роду Свентаржэцкіх.

Далей накіроўваемся ў Беразіно, дзе ўбачым дзеючы спіртзавод, пабудаваны ў 1892 годзе ў стылі прамысловай эклектыкі. Будынак завода пабудаваны з чырвонай цэглы і бутавага каменя, з кантраснымі белымі вокнамі, стаіць на дубовых лагах і амаль не перабудоўваўся, таму з'яўляецца каштоўным помнікам архітэктуры.

Яшчэ адной славутасцю з'яўляецца сядзіба Патоцкіх, пабудаваная ў пачатку 19-га стагоддзя ў стылі класіцызму. Самі Патоцкія жылі ў Варшаве і прыязджалі сюды на летнія вакацыі. 

Чарговым пунктам экскурсіі стане горад Крупкі, дзе вас чакаюць 2 цікавыя лакацыі:

• Музей, які ўключае ў сябе наступныя залы: экалагічны, археалагічны, энтаграфічны, ваенны, сучасны, выставачная. Галоўная місія работы музея - адраджаць, даследаваць і захоўваць нацыянальную, гістарычную і культурную спадчыну Крупскага раёна і горада Крупкі.
• Сядзібны дом Свяцкіх - гістарычны помнік, пабудаваны памешчыкам Карлам Свяцкім у 1900 годзе ў стылі мадэрн. Вакол сядзібы захаваліся рэшткі парку з лістоўніцамі і таполямі, якія захаваліся да нашых дзён, што дадае гістарычнай каштоўнасці гэтаму месцу.

Далей наведаем храм Раства Прасвятой Багародзіцы ў вёсцы Худаўцы, пабудаваны ў 1894 годзе ў руска-візантыйскім архітэктурным стылі.

Завяршаем нашу экскурсію ў вёсцы Халапенічы, дзе вы можаце наведаць маляўнічыя руіны праваслаўнай Свята-Успенскай царквы, якая была пабудавана ў 1863 годзе. Калі прайсціся па пасёлку, то ў цэнтры ўбачыце помнік, прысвечаны адмене прыгоннага права ў 1861 годзе. Побач з ім таксама знаходзіцца помнік бацьку Максіма Багдановіча - Адаму Багдановічу, этнографу і гісторыку.

Усё гэта і многае іншае чакае сустрэчы з цікавяцца і дапытлівымі турыстамі!

Прыязджайце і пазнаёмцеся з выдатнымі мясцінамі і прыгажосцямі гэтых месцаў бліжэй!