Круглянскі край: Тубышкі-Круглае-Лыскаўшчына-Дудаковічы-Каменнае Крывое-Друцк-Равучча.

Круглянскі раён - маляўнічая мясцовасць Беларусі, край, які славіцца сваім багатым мінулым, архітэктурнай спадчынай і культурай.

Падарожжа пачынаем з вёскі Тубышкі, дзе з 1884 па 1898 год жыў рускі генерал Міхаіл Рыгоравіч Чарняеў, нацыянальны герой Сербіі і першы губернатар Туркестана. Ад сядзібы XIX стагоддзя, дзе ён пражываў, захаваўся толькі камень з высечаным памятным надпісам, а ад Мікалаеўскай царквы засталіся адны разваліны. Генерал пахаваны каля храма, дзе яму ўсталяваны манумент.

Потым адправімся ў горад Круглае, каб убачыць яго галоўную славутасць - Свята-Траецкую царкву. Гэты храм знаходзіцца ў цэнтры горада і пабудаваны па старадаўніх канонах.

Наступны прыпынак - турыстычны комплекс "Мікалаеўскія сажалкі". Тут наведаем Дом-музей мастака Неўрэва, галерэю СССР, капліцу Мікалая Цудатворца... а пасля здзейснім аглядную экскурсію па тэрыторыі комплексу і дамо сабе абяцанне абавязкова вярнуцца сюды ў наступны раз усёй сям'ёй, каб павольна прагуляцца па ліпавай алеі, пакатацца на катамаране, выкупацца і згуляць у пляжны валейбол.

У вёсцы Дудаковічы наведаем Пакроўскую царкву - характэрны ўзор архітэктуры ў рэтраспектыўна-рускім стылі, збудаваны з цэглы ў другой палове XIX стагоддзя. Сёння Пакроўскі храм у Дудаковічах патрабуе аднаўлення і ўключаны ў пералік «Збор помнікаў гісторыі і культуры».

Пасля гэтага знойдзем руіны вадзянога млына паблізу вёскі Каменнае Крывое. Палюбуемся рэшткамі будынка і зробім прыгожыя атмасферныя фатаграфіі.

Далей накіруемся да ўнікальнай славутасц - адзінага археалагічнага помніка ў краіне, дзе ў выглядзе насыпных валаў захаваліся ўсе часткі гарадзішча ранняга Сярэднявечча. У свой час ён быў цэнтрам удзельнага Друцкага княства.

Скончым свой маршрут наведваннем радавога маёнтка Хамянтоўскіх. Ад сядзібы захаваліся руіны гаспадарчай пабудовы і капліцы-пахавальні. Побач агледзім некалькі пахаванняў Хамянтоўскіх.