Капыльскі край: Цялядавічы-Бабоўня-Сунаі-Грозава-Капыль-Усава-Васільчыцы-Цімкавічы-Комсічы-Кіявічы.

Капыльскі край - маляўнічы куток Беларусі, край пагоркаў і бязмежных лясоў, які ў ліпені 2024 года адзначыў свой векавы юбілей. Гэтая зямля - Радзіма вядомых беларускіх пісьменнікаў і мастакоў. А таксама гэта край, дзе беражліва захоўваюць унікальныя рамёствы і абрады.

Капыльшчына багатая славутасцямі. Сярод архітэктурных помнікаў варта адзначыць Спаса-Узнясенскую царкву 1866 года ў Капылі, палац XVIII стагоддзя і сядзібу XIX стагоддзя з маляўнічым паркам у аграгарадку Грозава, а таксама капліцу ў Цімкавічах. Асаблівую ўвагу прыцягвае ўнікальны помнік драўлянага дойлідства канца XVIII-пачатку XIX стагоддзяў - храм Святой Жываначальнай Тройцы ў вёсцы Цялядавічы, заснаваны Нясвіжскім жаночым бенедыктынскім манастыром.

Для аматараў гісторыі і культуры свае дзверы адкрываюць музейныя экспазіцыі: прысвечаная класіку беларускай літаратуры К. Чорнаму ў Цімкавічах, а таксама раённы краязнаўчы музей, дзе можна даведацца больш пра гісторыю і традыцыі гэтага цудоўнага краю.

Наведванне гэтых і іншых месцаў на маршруце падорыць яркія ўспаміны і дапаможа адчуць атмасферу гэтага краю.

Капыльскі край - гэта рэгіён, дзе мінулае сустракаецца з сучаснасцю, натхняючы на новыя здзяйсненні і дорачы незабыўныя ўражанні!