На экскурсіі па Клецкім раёне вы наведаеце шэраг культавых збудаванняў беларускага народнага дойлідства, а таксама адразу 6 (!) старадаўніх сядзіб знакамітых родаў, якія стагоддзямі валодалі гэтымі землямі, і рабілі многае для росквіту сваёй Радзімы.Маршрут кальцавой, таму можна рухацца пачынаючы з любой кропкі і ў любым кірунку.Добрай дарогі і пабольш яркіх уражанняў!

Самым старажытным збудаваннем гэтай сядзібы з'яўляецца капліца 1772 года пабудовы.
Хоць сядзіба даволі старая, многія будынкі дайшлі да нашых дзён, хай і ў закінутым стане: захаваўся былы гаспадарскі палац, фрагмент парку і некалькі гаспадарчых пабудоў.
Тут пачынаецца наша экскурсія.

Янавічы. Сядзіба Бжазоўскіх-Яленскіх.

У канцы 18-га стагоддзя тут Яленскія пабудавалі аднапавярховы каменны палац у стылі класіцызму, з порцікам, які ўпрыгожаны чатырма калонамі Іанічнага ордэра. 
Да нашага часу захаваўся каменны палац, некалькі гаспадарчых пабудоў і часткова парк.

Туча. Сядзіба Яленскіх

Туча. Сядзіба Яленскіх.

У часы Расійскай імперыі ў 19 стагоддзі ў мястэчку была сядзіба Чарноцкіх. 
Да нашага часу захавалася толькі каменная капліца, гаспадарчая пабудова і частка парку з векавымі дрэвамі.
Капліца ўзведзена ў пачатку 20-га стагоддзя ў стылі мадэрн.

Карацк. Капліца-пахавальня.

Карацк. Капліца-пахавальня Ядвігі Чарноцкай.

Царква святых Пятра і Паўла разам з варотамі-званіцай, якія размешчаны перад галоўным уваходам храма, была ўзведзена ў 1788 годзе, і з'яўляецца помнікам народнага дойлідства з рысамі архітэктуры класіцызму. 
У апсідзе ў 1863 годзе быў усталяваны новы драўляны іканастас з пілястрамі з пазалочанымі капітэлямі. 
Царскія вароты дэкараваны разьбой і медальёнамі евангелістаў. 
Іканастас упрыгожвае жывапіс мясцовых майстроў і разьба з пазалотай.

Царква Св. Пятра і Паўла і брама-званіца ў Галынцы ўнесены ў Дзяржаўны спіс гісторыка-культурных каштоўнасцяў рэспубліканскага значэння.

Галынка. Царква святых Пятра і Паўла.

Праваслаўная царква Святога пакутніка Дыянісія была ўзведзена ў традыцыях драўлянай народнай архітэктуры ў 19 стагоддзі ў часы Расійскай імперыі.

Заастравечча. Царква Святога пакутніка Дыянісія.

У пачатку 19-га стагоддзя тут была сядзіба, якой валодалі Вайніловічы - старажытны беларускі род, які вядомы з 15-га стагоддзя.
На сённяшні дзень захавалася некалькі гаспадарчых будынкаў і бровар. 
Будынак каменны з чырвонай цэглы, двухпавярховы, на франтоне будынка ёсць дата пабудовы «1906».

Кунцаўшчына. Гаспадарчы двор сядзібы Вайніловічаў.

Храм пабудаваны на мясцовых могілках у стылі беларускага народнага дойлідства ў часы Расійскай імперыі на мяжы 19-20 стагоддзяў.

Кунцаўшчына. Царква Казанскага абраза Маці Божай.

Кунцаўшчына. Царква Казанскай іконы Маці Божай.

Драўляная праваслаўная Пакроўская царква пабудавана ў традыцыях народнага драўлянага дойлідства ў неарускім стылі з 1905 па 1914 гады.

Ёдчыцы. Пакроўская царква.

Сядзіба, якая належала роду Лабецкіх, пабудавана ў часы Расійскай імперыі ў другой палове 19-га стагоддзя ў стылі класіцызму. 
Палац знаходзіцца ў закінутым стане і паступова руйнуецца.
Перад палацам зроблена пасадка розных парод дрэў: лістоўніца, каштан, туя, клён і ясень. 
З правага боку ад галоўнай алеі пабудаваны гаспадарчыя будынкі: стайня, драўляны свіран і іншыя пабудовы. 
Каля алеі пасаджаны пладовы сад. 
Выдатнае месца для руiнатэрапii!

Цясноўка. Сядзіба Лабецкіх.

Гістарычная назва гэтага мястэчка Радзівілімонты, дзе італьянскім архітэктарам Карла Спампані была пабудавана ў 18 стагоддзі сядзіба Радзівілаў, узведзены палац у стылі класіцызму і некалькі гаспадарчых пабудоў з паркам.
Да нашага часу захаваліся руіны палаца, якія агароджаныя плотам, каменная бровар і некалькі гаспадарчых пабудоў з паркам і сажалкай.
Яшчэ адзін сеанс руiнатэрапii, і наша экскурсія падыходзіць да завяршэння.

Клецкі край: Янавічы-Туча-Карацк-Галынка-Заастравечча-Кунцаўшчына-Ёдчыцы-Цясноўка-Чырвоная Зорка (Радзівілімонты).

Апісанне

Падрабязнасці паездкі