Клецк

Наша экскурсія прысвечана старадаўняму гораду Клецку, вядомаму ўжо 900 гадоў таму, і за перыяд свайго існавання захаваў мноства гісторыка-культурных каштоўнасцяў, з часткай якіх вы зможаце пазнаёміцца бліжэй.

Клецк упершыню згадваецца ў пісьмовых крыніцах у 1127 годзе: У тыя часы Клецк з'яўляўся цэнтрам удзельнага княства.

У 14 стагоддзі Клецкае княства ўваходзіць у склад Вялікага Княства Літоўскага і ў 1401 годзе князь Вітаўт перадае горад Жыгімонту Кейстутавічу.

У 1503 годзе горад Клецк быў спалены крымскімі татарамі, а летам 1506 года вялікі князь Аляксандр накіраваў войска на чале з князем Міхаілам Глінскім і пад Клецкам было разбіта войска крымскіх татараў.

У 1559 годзе Клецку выдадзены прывілей вялікім князем Жыгімонтам Аўгустам на правядзенне рэгулярных кірмашоў.

Кароль Ян Казімір у 1652 годзе даў гораду Клецку права Магдэбургскае і герб.

Пасля другога падзелу Рэчы Паспалітай у 1793 годзе Клецк увайшоў у склад Расійскай імперыі.

Пазней горад быў нядоўгі час пры польскай дзяржаве, а затым у складзе БССР.

Сёння гэта невялікі раённы цэнтр сучаснай Рэспублікі Беларусь, багаты сваімі гісторыка-культурнымі славутасцямі.

Прыязджайце сюды, і Клецк сустрэне вас з распасцёртымі абдымкамі!