Іўеўскі край мае шмат гістарычнымі месцамі і помнікамі архітэктуры.Нягледзячы на разбуральныя войны, мноства славутасцяў дайшлі да нашых дзён, праўда многія ў выглядзе руін.Велічныя храмы, старадаўняя сядзіба і старажытны замак адкрыюць нам свае дзверы.Гэтая экскурсія ахоплівае толькі частку з іх.На гэтым сайце даступныя і іншыя маршруты па тутэйшых краях.

У Іўеўскім раёне шмат прыгожых і цікавых помнікаў архітэктуры. 
Многія з іх вядомыя па ўсёй Беларусі. А ёсць помнікі цалкам сціплыя і несамавітыя. Але калі вы іх ўбачыце, вы запомніце іх на ўсё жыццё. Адным з такіх помнікаў з'яўляецца праваслаўная царква ў вёсцы Вялікія Князікоўцы, з якой пачынаецца наша экскурсія.

Храм Пакрова Прасвятой Багародзіцы - значны архітэктурны помнік, які датуецца 1860 годам.

Вялікія Князікоўцы. Пакроўская царква. 

Вялікія Князікоўцы. Пакроўская царква

Адзін з самых незвычайных касцёлаў Беларусі, больш падобны на замак, чым на храм, знаходзіцца ў самым цэнтры пасёлка і з'яўляецца архітэктурнай дамінантай.
Побач з касцёлам захавалася некалькі старажытных пахаванняў, у тым ліку прадстаўнікоў роду Вольскіх.

Ліпнішкі. Касцёл Святога Казіміра.

Да нашага часу захаваўся толькі цагляны флігель для служачых з вежай ды старадаўні парк.
Але нават па іх можна сабе ўявіць, на колькі цудоўнай была сядзіба Вольскіх, пабудаваная ў стылі неаготыкі!

Ліпнішкі. Сядзіба Вольскіх

Калі вы аматар палазіць па развалінах замка і абарончым земляным валам, парослым лесам, то варта адправіцца ў Геранёны. 
Руіны замка ў Геранёнах абавязковыя да наведвання, бо яны звязаны з жыццём многіх вядомых дзеячаў эпохі Вялікага Княства Літоўскага.
Выдатная лакацыя для руiнатэрапii!

Геранёны. Замак

Касцёл Святога Мікалая мае багатую гісторыю і спалучае ў сабе некалькі архітэктурных стыляў: готыку, барока і класіцызм.
Тут у 1537 годзе адбыўся шлюб Барбары Радзівіл і Станіслава Гаштольда. 
Наведайце і вы гэты старажытны і выдатны храм!

Геранёны. Касцёл

Касцёл пабудаваны на галоўнай вуліцы пасёлка з чырвонай цэглы ў неагатычным стылі. 
Інтэр'ер таксама аформлены ў неагатычным стылі. Ёсць орган. 
Да нашага часу захаваліся ўнікальныя пахаванні ў крыпце храма. 
Калі спытаеце мясцовага святара, ён абавязкова адкрые склеп і раскажа шмат цікавага пра мясцовую шляхту. 
У склепе ўбачыце гербы мясцовай шляхты, выкладзеныя каляровай мазаікай.

Суботнікi. Касцёл Святога Уладзіслава.

Калі вы хочаце ўбачыць рэзідэнцыю польскіх каралёў, вам не абавязкова ехаць у Варшаву! 
Вы зможаце наведаць горад Жамыслаўль Іўеўскага раёна, дзе ў канцы 19-га стагоддзя мясцовыя паны Умястоўскія пабудавалі дакладную копію рэзідэнцыі апошняга караля Рэчы Паспалітай Станіслава Аўгуста Панятоўскага "Лазенкі". 
Сядзіба выкупленая прыватным уладальнікам і яе можна наведаць, каб адпачыць на прыродзе, бо нават немцы падчас акупацыі стварылі тут курорт.

Жамыслаўль. Сядзіба Умястоўскіх

Неагатычны касцёл нараджэння Дзевы Марыі цікавы іконамі XIX стагоддзя, якія захаваліся ў ім.
На сённяшні дзень касцёл дзейнічае, тут рэгулярна праходзяць рэлігійныя святы, святыя Імшы і малебны.
Рэкамендую наведаць гэты храм!

Трабы. Касцёл Нараджэння Дзевы Марыі.

Петрапаўлаўская царква ў Трабах – выдатны помнік беларускага драўлянага дойлідства 18 стагоддзя. Пабудавана ў 1784 годзе, і ў нязменным выглядзе захавалася да нашага часу. 
У пачатку 20-га стагоддзя была прыбудавана каменная агароджа і брама-званіца.

Іўеўскі край (1 маршрут): Вялікія Князікоўцы-Ліпнішкі-Геранёны-Суботнікі-Жамыслаўль-Трабы.

Апісанне

Падрабязнасці паездкі