Дзятлаўскі раён. Духоўная спадчына. Архітэктурныя стылі, якія адлюстроўваюць багатую гісторыю рэгіёну.

Адпраўляемся на экскурсію па Дзятлаўскім раёне і яго ваколіцах!

Вы наведаеце Пакроўскую царкву ў мястэчку Дварэц, выкананую ў псеўда-рускім стылі.

Затым мы адправімся ў касцёл Антонія Падуанскага, выкананы ў стылі барока з элементамі рэнесансу, галоўны фасад якога ўпрыгожаны рустам і ліштвамі.

Далей мы накіруемся ў Горку, дзе знаходзіцца царква Святога Георгія Перамаганосца пачатку XX стагоддзя, пабудаваная ў псеўда-рускім стылі. Фасады храма і верхні ярус званіцы прарэзаны арачнымі вокнамі.

У аграгарадку Раготна мы ўбачым касцёл Святых анёлаў ахоўнікаў 19-га стагоддзя, выкананы ў стылі класіцызму. Галоўны фасад двухвежавы, упрыгожаны шасцю калонамі Дарычнага ордара.

Затым нас чакае горад Дзятлава, дзе мы наведаем палац Радзівілаў, пабудаваны ў стылі ракако. Яго фасад упрыгожаны ляпнінай і дэкаратыўнымі элементамі, уключаючы гірлянды, геральдычныя сімвалы, медальёны і арнамент. Над галоўным фасадам размешчаны франтон з выявай сімвала ўладальнікаў.

Далей мы ўбачым Спаса-Праабражэнскую царкву, будынак якой пабудаваны ў выглядзе карабля ў адпаведнасці з традыцыямі беларускага народнага дойлідства.

Таксама наведаем Касцёл Унебаўзяцця Найсвяцейшай Панны Марыі, дзе ў інтэр'еры захаваліся сем алтароў XVIII стагоддзя, выкананыя ў стылі ракако.

У Жыбортоўшчыне вы наведаеце рэшткі сядзібы 19-га стагоддзя роду Дамейкі, дзе захаваўся дом, у якім нейкі час жыў вядомы ў свеце навуковец, нацыянальны герой Чылі Ігнат Дамейка.

Далей мы адправімся ў аграгарадок Вензавец, дзе ўбачым царкву Пятра і Паўла 19-га стагоддзя, пабудаваную ў псеўда-рускім стылі, з падоўжана-восевай кампазіцыяй. Фасады ўпрыгожаны дэкаратыўнымі элементамі і пластыкай, характэрнай для архітэктуры Маскоўскага царства.

А таксама мы наведаем Касцёл Святога Язэпа у Рудзе Яворскай, збудаваны ў класічным стылі ў першай палове XX стагоддзя.