Душа краіны ў яе малых гарадах: Опса-Відзы-Паставы-Мядзел.

Адпраўляемся ў падарожжа па самых маляўнічых кутках беларускага Паазер'я, дзе ў ціхіх мястэчках трапятліва захоўваецца памяць аб мінулым і "б'ецца сэрца" краіны. Гэты маршрут - калейдаскоп уражанняў, ад велічных храмаў да сціплых сядзіб, ад люстраной роўнядзі азёр да густых лясоў.

Першы прыпынак - аграгарадок Опса. Тут наведаем неагатычны касцёл Святога Яна Хрысціцеля, які дзівіць сваёй вытанчанай прыгажосцю. Непадалёк размешчаны былы палац графаў Плятэраў, у неакласічнага формах якога адчуваецца былая веліч і ціхі шэпт гісторыі...

Далей наш шлях ляжыць у Видзы. Гэты край - сапраўдны рай для аматараў прыроды і адзіноты. Тут даволі шмат цікавых помнікаў гісторыі: Траецкі касцёл, вадзяны млын, старадаўняя грамадзянская забудова, магіла генерала Томаша Ваўжэцкага, праваслаўная царква, якая належыць стараверам.

Наступны прыпынак - Паставы, дзе нас чакаюць Касцёл Святога Антонія Падуанскага, Палац Тызенгаўза і Свята-Мікалаеўскі сабор, кожны з якіх з'яўляецца ўнікальным узорам архітэктуры розных эпох і стыляў.

Фінальным пунктам падарожжа стане Мядзел - горад, які беражліва захоўвае сваю гісторыю і традыцыі. У Мядзельскім музеі народнай славы сабрана велізарная калекцыя экспанатаў, якія распавядаюць пра жыццё і культуру гэтага краю. Але галоўны скарб Мядзела - унікальная Кальварыя (комплекс капліц), якія паўтараюць Крыжовы шлях Ісуса Хрыста. Завершым экскурсію наведваннем касцёла Маці Божай Шкаплернай - яркага прадстаўніка беларускага барока.

Гэта падарожжа дазволіць адчуць душу краіны ў яе малых гарадах і вы павязеце з сабой незабыўныя ўражанні.