Што паглядзець у Беларусі за 2-3 дні: Мінск-Сула-Мір-Нясвіж.

Адпраўляйцеся ў захапляльнае падарожжа па самых знакавых месцах Беларусі!

Гэты маршрут ідэальна падыдзе для тых, хто хоча за 2-3 дні пазнаёміцца з шматграннай культурай і багатай гісторыяй краіны.

Ваша прыгода пачнецца ў сталіцы.

У Мінску вас чакае сустрэча з імперскай і савецкай архітэктурай: ад легендарнай «брамы Мінска» і манументальнага праспекта Незалежнасці да ўтульнага Траецкага прадмесця з яго атмасферай XIX стагоддзя.

Вы ўбачыце велічныя храмы, такія як знакаміты Чырвоны касцёл і праваслаўны сабор Святога Духа, а таксама ацэніце панарамны выгляд горада з назіральнай пляцоўкі ўнікальнага будынка-«дыямента» Нацыянальнай бібліятэкі.

Наступны крок - апусканне ў глыб стагоддзяў.

У парку-музеі "Сула" вас чакае інтэрактыўнае падарожжа па эпохах: ад часоў вікінгаў і паганскіх капішчаў да раскошы шляхецкіх баляў.

Кульмінацыяй тура стане наведванне двух жамчужын, унесеных у спіс Сусветнай спадчыны ЮНЕСКА: велічнага Мірскага замка з яго магутнымі сценамі і вытанчанай капліцай-пахавальняй, і раскошнага Нясвіжскага палаца Радзівілаў — цэнтра палітыкі і культуры свайго часу.

У Нясвіжы Вы таксама зможаце наведаць першы ва Усходняй Еўропе храм у стылі барока - Фарны касцёл з фамільнай пахавальняй князёў, і адчуеце дух старадаўняга горада ля сцен Слуцкай брамы і Ратушы.

Гэты тур - ідэальны спосаб адкрыць для сябе сапраўдную Беларусь, дзе кожная эпоха пакінула свой непаўторны след.