Буда-Кашалёўскі, Чачэрскі і Веткаўскі раёны: Буда-Кашалёва - Чачэрск-Жалезнікі-Ветка-Хальч.

Нашу экскурсію пачынаем у Буда-Кашалёва, дзе знаходзіцца музей работ народнага мастака СССР, найярчэйшага прадстаўніка Ленінградскай школы жывапісу - Яўсея Яўсеевіча Майсеенкі.

Наступным пунктам будзе Чачэрск - адзін з самых старажытных гарадоў Беларусі. За сваю доўгую гісторыю ён уваходзіў у склад Вялікага Княства Літоўскага, Рэчы Паспалітай, Расійскай імперыі. Горад наведвалі імператары Аляксандр II і Мікалай I, імператрыца Кацярына II, двойчы тут бываў Пушкін.

Спярша паглядзім Спаса-Праабражэнскую царкву, пабудаваную ў 1783, затым наведаем палац Чарнышовых-Круглікавых, пабудаваны ў пачатку 19-га стагоддзя.

Архітэктурнай дамінантай гістарычнага цэнтра Чачэрска з'яўляецца ратуша, пабудаваная ў другой палове 18-га стагоддзя ў стылі класіцызму з элементамі псеўдаготыкі.

У Ратушы размешчаны гісторыка-этнаграфічны музей, дзе можна пазнаёміцца з гісторыяй горада, яго традыцыямі і спадчынай.

Побач знаходзіцца Замкавая гара-нямы сведка былой велічы. Цяпер тут няма ні крэпасці, ні замка, ні палаца: захаваўся толькі роў, а на тым месцы, дзе некалі размяшчаўся мост, цяпер знаходзіцца пясчаная дамба, па якой можна перайсці на Замкавую гару і ўявіць, што знаходзілася на тэрыторыі старажытнага замка.

Па дарозе наведаем царкву Святога Мікалая ў Жалезніках, якая была адкрыта ў 1900 годзе.

Далей вас чакае Веткаўскі музей стараверства і беларускіх традыцый - адзіны ў Беларусі музей, прысвечаны стараверству. Гэта вельмі цікавы музей з багатымі унікальнымі экспазіцыямі і выдатнымі экспанатамі.

Завяршаем нашу экскурсію ў сядзібе Халецкіх у вёсцы Хальч, пабудаванай у пачатку 19-га стагоддзя ў стылі позняга класіцызму. У 1887 годзе госцем маёнтка быў знакаміты мастак і кампазітар Напалеон Орда, які зрабіў замалёўку ўсяго маёнтка. Дзякуючы яго працы сёння можна прасачыць, наколькі прыгожай і багатай была сядзіба Халецкіх у 19 стагоддзі.

Прыязджайце сюды і пазнаёмцеся з выдатнымі мясцінамі і прыгажосцямі гэтых месцаў бліжэй!