Барысаў - горад слаўны, горад старажытны.

Збіраемся ў падарожжа ў слаўны горад Барысаў - адзін з найстарэйшых беларускіх гарадоў, гісторыя якога пачалася ў 1102 годзе. Гэтая паездка-шанец пагрузіцца ў мінулае горада, убачыць яго архітэктурную спадчыну і адчуць дух старадаўняга Барысава.

Павітаем заснавальніка горада князя Барыса. Паводле згадвання ў летапісах, полацкі князь Барыс Усяславіч здзейсніў паход на яцвягаў і ў гонар сваёй перамогі ў 1102 годзе заснаваў горад у месцы зліцця Бярэзіны і Схі.

Падчас экскурсіі наведаем і агледзім ключавыя месцы горада, звязаныя з яго багатай гісторыяй: Васкрасенскі сабор, будынак сінагогі, Касцёл Нараджэння Дзевы Марыі, сядзібу-дом і.Х. Каладзеева і іншыя значныя гістарычныя помнікі.

Даследуем рэшткі старадаўняга Барысаўскага турэмнага замка, які, на жаль, не захаваўся, да нашых дзён і сёння аб яго былой велічы сведчаць толькі сціплыя рэшткі. Аднак, містычныя паданні пра мінулае і сакрэты вязняў засталіся ў гісторыі…

Наведаем земляныя ўмацаванні вайны 1812 года, якія захаваліся ў Старым горадзе да гэтага часу.

Знаёмства з горадам завершым наведваннем самага сучаснага і шматфункцыянальнага футбольнага стадыёна ў Рэспубліцы Беларусь. Ён з'яўляецца хатнім стадыёнам самага тытулаванага футбольнага клуба БАТЭ.